Lovlyanup

ए ताङसी ब्राबा म्राङसाम चु सेम कादे छुसेला
खारसी निबा सेमला रहर दोसी तिरेम बुसेला ।

मरुभूमिरी पिङगाई म्राङमा खाल्ला सेम आङताङ र
ह्योल्मोरी ख्योसी गन्धीला क्युईसे थेलान साप्रा फुसेला

स्ह्याल जेक्खेन म्राङसाइ एला कादे ताङमुबा सेमरी
ह्रो जेन एसे लासाई ज्योमोगाङला म्हेन्दो थुसेला

मे ल्हाम आहिन मुबा ङा ना गन्धी स्योङनोन
पुजुथोरी सारबा म्हेन्दो एलान सेमरी सुसेला

ल्हुइभरनोन दुङाल पिन्गो बरु थेएन नाखाम्ला
सिताल तासाम तिङरी चु स्हाल मिख्लीसेन ख्रुसेला

चुपाल्सेला ल्होछारसे बेनालान सेमरी छोरुवा बागाइ
मासी निबा ह्युल्ला काइरान दोसी तिरेम ङामरी खागाइ

कोहीसे बिमुला सोनामकोहीसॆॆॆॆॆ ग्याल्बो ल्होछार रो
जुनसे जे बिसाइनोन तामाङला सेमतिङ गिनोन तागाइ

कादेला दिमनाम फुप्जी ताला कादेसे स्हेङजीताला
गन्धीरीम क्युइजेन ब्योङला बेनादान च्योच्यो लागाइ
राप्सी टिबा ज्योमोगाङ थेन छिककादॆसे ताम पाङमा
ताइसी टिबा मिख्लीकादे चु ल्होछारसेन फ्यागाई

ताम्सालिङला म्हाङ थोसी ब्राबा तामाङकादे
दारेम चु ह्युल्री ह्याङलान ताम्सालिङ छ्यागाइ

सिसाम ह्याङ ङिला प्राङ गिनोन तागाइ
सोसाम ए ङाला म्हाङ गिनोन तागाइ

ब्राबा ग्यालामरी खालाङ ताम्मान दोसानोन
सेमला दुङाल न्हाबा ब्राङ गिनोन तागाइ

छ्याम तागाइ बिसी गोन्बोरी नाङसाल म्रामा
कोन्ज्योदा फुल्बा सेमला डाङ गिनोन तागाइ

एदा डान्सी आम्हेर्बा ल्हाना म्हुनकादेमी
स्योरी डोबा नाम्दरला लोप्खाङ गिनोन तगाइ

उरीन टिला क्युइजेन थुङजेन थुङला बरु
ह्याङसे क्रेबा सेमला ज्योमोगाङ गिनोन तागाइ

-सजना गोले
काभ्रे२ सल्ले